光緒年間，我佛山人(吳趼人)開始撰寫《俏皮話》等笑話同寓言，對當時嘅種種荒謬世態備極諷刺，妙語迭出，直情系棟篤笑嘅本土祖宗。當中有一篇《野雞》，話說有只野雞到咗陰間，向閻王投訴：“我本是一極有文采之物，故古圣王亦繪我之像于衣服中，名我為華蟲。何以近來上海胡家宅一帶之流娼，亦襲我之名?”閻王話，噉系因為而家嘅人已經睇唔起你喇。野雞話，唔系啵，朝中嗰啲二品官，朝服上邊嘅補服，仲繡住我幅相啊!閻王低頭諗咗一陣話：“既如此，我交代世人將這些二品銜的官，也叫他做野雞官，給你一點面子罷。”將官吏視為娼妓嘅同行，只供一笑，因為比附不當顯而易見，后者最講究公平交易原則，一分錢一分貨，而你納稅卻未必可以買到相應嘅公共服務。攞咗著數而唔畀錢或者提供相應嘅服務，廣東人叫佢做“趙完松”。
江湖人稱“不文教父”嘅黃霑先生，曾經拍過一系列滾友指南片，比如《大咸濕》同《不文教父帶你嫖日韓》，走馬觀花噉帶觀眾瀏覽咗上世紀八九十年代港日韓嘅性產業。佢一再強調嘅就系，滾就一定要畀錢，而且唔慳得，否則蝕底嘅一定系你。沒有免費嘅服務，呢個系一條非常重要嘅政治經濟定理。但系如果顧客購買個人服務嘅錢，并唔系佢自己正當賺返嚟嘅，亦可以與“趙完松”等而論之。
常言道：娼妓系最古老嘅行業。呢個講法未免夸張，性心理學家藹理斯(1859-1939)早就喺《娼妓論》等文章指出，娼妓系文明嘅產物。葉靈鳳《賣淫考》說：“在許多未開化民族中，娼妓是不存在的，因為娼妓制度，至少要在人類將性生活劃歸于結婚生活之后才產生，在不將婚姻關系以外的性生活加以鄙視的社會中，娼妓是不存在的。”幸好人類嘅性道德一直在進步，越來越多人對性產業持開明之態度與同情之理解。但系，面對咁多“下半身的反叛”(奧威爾《一九八四》)，人類政府從來都冇放棄過控制甚至取締這個行業嘅努力。近現代以來，蘇聯等國家曾經令娼妓銷聲匿跡，但與此同時，佢哋內部聲色犬馬嘅生活就全面開花。權力畢竟短暫，自由卻是永恒的，藹理斯觀察人類性道德嘅（編者注：的）變遷時發現，人們慢慢開始認為，除非涉及子女問題，國家不應該橫加干涉性關系。
藹理斯后嚟喺《性的道德》引論里進一步說明，娼妓現象“不但不是偶然的與輕易可以革除的一種事物，而是目前全部婚姻制度里一個相須相成的部分，一旦取消，那全部就不免土崩瓦解”。庸俗一啲講，黃霑喺《不文教父帶你嫖日韓》里邊話，娼業牽涉整個社會經濟制度，牽一發而動全身，而雞蟲則系經濟發展嘅功臣。只不過，打擊娼妓行業，并非因為佢哋（編者注：他們）對藹理斯嘅無知，噉樣做一般都系項莊舞劍。
(港燦講片 □ 微生亮專欄)
「 支持烏有之鄉！」
烏有之鄉 WYZXWK.COM
您的打賞將用于網站日常運行與維護。
幫助我們辦好網站，宣傳紅色文化！
歡迎掃描下方二維碼，訂閱烏有之鄉網刊微信公眾號
